Wales-in China Cup khel dawn

March 2018-a Uru-guay leh Czech Republic te nena China Cup khel tura sawmna chu Wales chuan an pawm a, World Cup khel phak lo Wales sawm an nih chhan hi Real Madrid forward Gareth Bale-a'n China-a ram tana a hmel a lan an beisei vang nia hriat a ni.

January 2017 khan China Cup hmasa ber hi khelh a lo ni tawh a, Chile, Croatia, Iceland leh inelna thlengtu China-in an khel. Wales pawh hi an zin a nih chuan match hnih tal an khel dawn tihna a ni a, semifinal aṭanga khel ṭanin final an luh loh pawhin pathumna inchuhna inkhel an hmachhawn ang.

China Cup hi March 19 -27 inkara international break-ah khelh a ni dawn a, Wales tana buaina tur chu Premier League leh Championship chu March 31-ah khelh ṭan leh a ni dawn a, mel 12,000 chuanga zin hnua league khelh chhunzawm leh ngai tur hian player-te a ti phur lo deuh mai thei.