Lewandowski-a'n player langsar lakluh a duh

Robert Lewandowski chuan Bayern Munich player ṭhenkhatte chuan an vanglai an pelh mek thu a sawi a, khawvela club ṭha berte zinga mi ni reng tur chuan player langsar lakluh an ngaih thu a sawi.

Bayern Munich hian Carlo Ancelotti banin Jupp Heynckes an ruai nawn a, German manager Heynckes kaihhruaina hnuaiah Bundesliga match li chak zawnin Dortmund an lehpel a, hmahruaitu an ni leh thei der tawh.

Tun dinhmunah German champion Bayern

Munich first team player zinga paruk zet chu kum 30 tling tawh an ni a, season hmasa tawp rual khan defender leh captain ni bawk Philipp Lahm chuan inkhelh a chawlhsan bawk.

Poland international Lewandowski chuan, "Kan dinhmun hi kan ennawn fo a ngai a, club tin hian a ṭha ber ni tur chuan kum hnih dan velah player ṭha an lakluh a ngai a ni. Tun dinhmunah chuan teamṭha leh khawng tak kan ni a, chutih rualin nakin hun kan ngaihtuah tel a ngai," tiin a sawi.