Nov 4-ah Chhinga Veng vs Assam Rifles

Mizoram Premier League hmahruaitu Chhing­a Veng FC leh Assam Rifles football team, Shillong-te chuan No­vember 4, Inrinni tlai dar 4:00 hian Lammualah friendly match an khel dawn.

Assam Rifles lamin Mizoram Football Asso­ciation hnenah friendly match neih hi an rawt a, hei hi MFA chuan ṭha tiin an khingpui turin MPL6-a hmahruaitu Chhinga Veng FC an chhawp sak. Chhingcows khingpui tur hi Assam Rifles hmun hrang hrang aṭanga footballer ṭha lak khawm an ni a, team ṭha tak an ni ang.

Assam Rifles team hian season hmasa khan MPL-a hmahruaitu nilai Bethlehem Vengthlang chu an lo hneh tawh a, team ṭha tak an ni a, inkhel hmuhnawm tak a nih a beiseiawm.

Lam­mualah, Inrinni tlaiah inkhel en turin MFA chuan mipuite a sawm a, inkhel en man a awm lo ang.