Tualchhung Volleyball

Mizoram Volleyball Association hnuaia Dis­trict Volleyball Asso­cia­tion (DVA) hrang hrang leh Pro Division club te tana player thar ziah luh theihna hun hawn mek a ni a, club tin ten November 4 thleng player an lalut thei ang.

MVA hian season tir lam khan transfer hun a buatsaih tawh a, tun season chhung atan chuan tun ṭum hi transfer hun hnuhnung a ni ang. Tun transfer hian nakkuma Pro Volleyball League buatsaih leh a nih hma chu a awh tawh dawn a ni. PVL khelh zawh a nih hnuah chuan player ten an duh lam an hawi thei ang.

Kumin chhungin MVA hian inelna lian tham buatsaih leh turin hma a la mek, November 21-30 chhung hian MVA Invitation Tournament a awm leh dawn; he inelnaah hian Mizoram chhunga team ṭha bakah North East state hrang hrang aṭangin team an rawn inlan ang - Manipur, Assam bakah Shillong aṭangin team pahnih rawn inlan tura beisei an ni.