Fed Cup final khel lo tur Azarenka

Ram leh ram hmeichhe tennis team hmanga inelna Fed Cup chu November 11 hian a hmawr bawkna neih a ni dawn a, United States hmachhawn tur Belarus star Victoria Azarenka chu a fa enkawl a duh avangin a inlan ve thei dawn lo.

Grand Slam vawi hnih champion tawh Azarenka hian nikum December thla khan fapa Leo a hring a, fa a neih hnuah kumin June thla khan rawn kir leh mah se beisei angin a khel chhuak rih lo. Grand Slam hnuhnung ber US Open-ah pawh khan a fapa enkawl a duh vang bawkin a inhnukdawk tawh bawk a ni.