Juve-in kum 120-na lawm dawn

Italian champion Juventus chuan an club din champha vawi 120-na an lawm dawn, November 1 kha an din champha tak chu a ni. Juve hian Pathianni zanah league match khel turin Benevento an mikhual dawn a, he hunah hian tun hma lama an hak tawh ṭhin anga a bik taka siam jersey an ha ang.

Kum 1897 khan Turin-a zirlai ten Juventus hi an din a ni a, Italy-a club-te inelna sang ber Serie A nomawi 30 zet chawi tawhin Italian club zinga hlawhtling ber pakhat an ni. Tun hnaiah a zawnin season ruk chhung league nomawi an chawi thei a, tun season-ah pathumna an ni mek.

Juve hian an club din kum 1897 zat chiah jersey hi harlh chhuah tur an siam a, anmahni website kaltlang chauha lei theih a ni a, a man chu £165 (Rs 14,135) a ni. Juve hian "Sulhnu liam tawh vangin kan lawm a, beiseina nen hma hun kan thlir" tih chu an kum 120 tlin lawm nan thupuiah an hmang.