Northeast Football Association a ding

India hmarchhak state hrang hrang football association hruaitute chu February 5, Nilaini khan Shillong-ah an inhmu khawm a, hmarchhak state-a football-in hma a sawn zel theihna tura intel khawm an rem ti a, North East Football Association an din.

NEFA hian All India Football Federation calendar awm sa tibuai lo a, AIFF-in football hmasawnna a kalpui mek piah lama hmarchhak bial tana football hmasawn zelna turin 

ṭan a la ang a, Hmarchhak state zinga football lama chhawmdawl ṭul zual state-te a pui bawk ang.

North East Football Association hian Guwahati-ah headquarters a nei ang a, hruaituten state hrang hrang tlawh kualin Hmarchhak biala football hmasawn zelna tur an buaipui ṭhin ang.

NEFA president thar, AIFF vice president ni bawk Larsing Ming chuan, "Hmarchhak state-te hian Indian Football-ah hmun pawimawh tak kan chang a, chutih rualin hmasawn zel turin theihna ssng tak kan la nei. State ṭhang duang deuh an awm laiin football-a state la hnufual deuhte an awm a, anni puih hi kan zavaia tih tur a ni," a ti.