A hmawr bawk zan kan thleng ta

Zanin dar 8:00 hian R. Dengṭhuama Indoor Stadium, Mualpuiah Mahindra Pickup 4x4 LPS Pro Muaythai 2022 hmawr bawkna neih a ni dawn a, title fight panga hmuh tur a awm ang.

Nilaini zan khan semifinal zan hnihna khelh niin, fight panga hmuhnawm tak vek a awm. Pangzawl fighter Ramdinthara chu D3 Haier Fighter of the Night atan thlan a ni.

Zanin - Title Fight
 October 28, Zirtawpni - Bout 5
Flyweight
Joseph Vanlalhruaia (Hunthar) vs Lalngaihawma (Hunthar)
Bantamweight
Lalruatkima (Falkland) vs Ramdinthara (Pangzawl)
Lightweight
George Lalmuanawma (Chawnpui) vs Ngursaimawia (Luangmual)
Welterweight
Isaac Lalchhuanmawia (Chanmari) vs Zarmawia (Chite Veng)
Super Middle (Open)
Lalṭhasanga Lelhchhun (Tanhril VT) vs David Lalremruata (Zemabawk North)

 October 26, Nilaini - Semifinal
Flyweight
Lalngaihawma (Hunthar) bt Benjamin Zonunsanga (Luangmual)
Unanimous Decision (29-28, 30-27, 29-28)
Lalngaihawma'n ban leh ke sei zawk a nihna bakah tharumin a nuai hneh a, India aiawha vawi hnih thlan tawh Zonunsanga'n fimkhur takin a kut dinglam a hmang nasa thung. National gold medal pathum la tawh Ngaihawma'n hnehna a chang a, final-ah chuan a unaupa , Asian silver medal la tawh Joseph Vanlalhruaia a hmachhawn dawn a ni.

Bantamweight
Ramdinthara (Pangzawl) bt Isak Lalruatfela (Bethlehem VT)
Technical Knockout (Round 3, 1:46 min)
Ramdinthara'n a kuttum hman thiam a chakpui leh ta. Round thumna laihawlah Isak Lalruatfela hnek tlawmin muaythai inelnaa a tel vawi khatnaah final a lut. A hneh tak Ruatfela hi 2014 world championship bronze medal la tawh a ni a, tawnhriat nei ṭha zawk lakah a dingchang.

Lightweight
Ngursaimawia (Luangmual) bt Lalramsanga (Upper Sakawrdai)
(Walk Over)
Thawhlehni aṭangin Lalramsanga a damlo a, a inlan theih loh avangin hahdam takin national pro muaythai kawnghren vawi hnih hreng tawh Ngursaimawia a chak a, LPS Pro Muaythai champion kawnghren hreng turin vawi khat chak a la hmabak.

Welterweight
Zarmawia (Chite Veng) bt Lalchhuanmawia (Republic VT)
Split Decision (30-27, 29-28, 28-29)
Zarmawia'n round hnuhnung pahnihah a kut leh ke a hmang chhuak nasa a, thahrui nei tam leh daih rei zawk a nihna a chhawr. Indian mixed martial arts gold medal pahnih la tawh Zarmawia'n fiahna pawimawh a paltlang a, rinkai ni chungin zaninah Title Fight a hmachhawn ang.

Seper Middle (Open)
David Lalremruata (Zemabawk North) bt R. Vanlalmuana (Republic Veng)
Split Decision (29-28, 29-28, 28-29)
Tawnhriat la nei tam lo pahnih an ni a, in fight tawk takah David Lalremruata'n a tir round hnih chhungin a dinhmun a siam fel a, a hnek fuh leh ke lam a hman fuhna hmangin a chak. Round hnuhnung berah Vanlalmuana langsar zawk mah se, a hma zawngin a bet a, chau tak chungin a tawpah Remruata a chak.