Lakshya Sen hnehtu Srikanth

Denmark Open khelh laiah Indian badminton khel thiam pahnih an intawng a, tawnhriat nei ṭha zawk Kidambi Srikanth chuan game hloh loin Lakshya Sen a hneh a, second round a lut.

Kum 2021 World Championship silver medalist hian Sen-a hi 21-18, 21-18 in a hneh, hnehna chang tur hian minute 48 chhung hun a hmang. Game hloh lo mah se awlsam leh nuamsa taka chak chu a ni bik lo.

Srikanth hian a match lehpekah chuan, tualchhung player Rasmus Gemke leh Ireland tlangval Nhat Nguyen inkhela chak zawk a hmachhawn leh dawn a ni.