Paris Masters khel tur Djokovic

Novak Djokovic chuan kar thara khelh tur Paris Masters-ah a inlan dawn tih a sawi a, atan inrintawkna siam belh theihna remchang a ni dawn tih a sawi tel bawk.

Grand Slam vawi 20 champion tawh Djokovic chuan, "Ka taksa dinhmun a ṭha. Tun hnaiah Astana leh Tel Aviv-ah hlawhtlinna ka chang, ka tan chuan thil lawmawm tak pawh a ni.

"Paris Masters khelh leh ngei ka tum a, ka hlawhtling leh thei a nih chuan season tawp lam ṭha takin ka hmang tihna a ni ang. A bul ṭan fuh tawk lo mah ila season hi a tawp khar ṭhat ka duh," tiin a sawi.

Season tawp hmain ATP Finals khelh hmabak an la nei bawk. Tun dinhmuna world number 7 Djokovic hian a thiam zual pariat inelna hmachhawn turin Turin khawpui pan ngei a tum thu a sawi bawk.