Ruahsurin World Cup tibuai

Nimin khan T20 World Cup-ah Afghanistan leh Ireland te inkhel tura ruahman ni mah se ruahsur vangin inkhelh theih a ni lo.

Afghanistan an vanduai a, New Zealand nena an inkhel tur pawh ruahsur vang thoin ṭhulh a lo ni tawh bawk. Nimin khan Melbourne-ah Australia leh England inkhel tur an ni a, ruahsur vang thoin a hunah an ṭan thei lo. He thuziah lai hian an khel zo thei ta em, tih hriat a ni lo.

T20 Cricket-ah hian chak zawk an awm zel a, chutihrualin ruahsur vanga an khel zo thei lo a ni erawh chuan team pahnihin point khat ve ve an insem thung.

Vawiin chawhnu dar 1:30 hian New Zealand leh Sri Lanka an inkhel dawn. Lions hi Australia laka an mualpho avangin chak ngei a ṭul dawn a, Black Caps erawhin tlawm an la nei lo.