Srikanth tlak laiin Satwik leh Chirag an chak

Badminton inelna Denmark Open khelh laiah, India tlangval zinga singles player ṭha Kidambi Srikanth leh H.S. Prannoy te an chak lo a, hetihlai hian mipa doubles lamah Satwiksairaj Rankireddy leh Chirag Shetty ten quarterfinal an lut thung.

Ningani zan inkhelah Satwiksairaj leh Shetty te ṭangdun hian, last 16 inkhelah Man Wei Chong leh Kai Wun Tee te inkawp chu 21-16, 21-14 in an hneh, hnehna chang tur hian minute 40 bak hun an mamawh lo.

Singles lamah world number 11 Kidambi Srikanth erawhin Rasmus Gemke a ngam lo. Game hmasa ber chu Indian shuttler hian 21-19 in a la, mahse, game hnuhnung pahnihah erawh 21-19, 21-19 in a hniam zawk.

Indian player dang inkhel zingah, tawnhriat nei ṭha H.S. Prannoy pawhin Chinese player G.Z. Lu chu 19-21, 22-20, 19-21 in a hneh lo a, last 16-ah a zinkawng a tawp ve bawk.