Business class-ah Indian cricket team

Indian cricket team player-te chuan ram­chhunga thlawh­theihna hmanga an veivahna chungchangah BCCI hnena an thu thlen chu ngaihtuah a ni a, economy class-a an zin ṭhin chu ngai tawh loin business class-a an zin theih nan hmalak a ni.

Ramchhunga inelna an hmachhawn hian In­dian cricket team hi thlawh­theihnaah economy class hmanga zintir an ni ṭhin a, thlawhna chhung leh airport thlenga fan-te an bawr buai ṭhin avangin harsatna tam tak an tawh phah. Hemi chungchangah hian player te chuan BCCI an pun a, business class-a thlawk ṭhin tawh turin ruahmanna an siam.

India hian New Zealand nen ODI series an khelh zawh hnuah T20 series an khel mek a, an match hmasa berah November 1 khan run 53-in Kiwis hi an hneh. Zanin dar 7:00-ah an match hnihna an khel leh dawn a, India hian hnehna an chang leh a nih chuan series an la tawh ang.