Royal Antwerp rawlthar Lobanzo a thi

Belgian Pro League club Royal Antwerp rawlthar Joel Lobanzo chu Thawhlehni khan youth team training neih laiin a lung lamah buaina a nei thut a, damdawi Inah hruai a nih hnuin Ningani khan a thi.

Kum 17 mi rawlthar hian an club Under 19 team zingah training a nei a, training neih lai hian buaina hi a tawk ta a ni. Royal Antwerp chuan thuchhuah siamin, "Kum 17 mi Joel Lobanzo chu Ningani zan khan a chawl ta. Training-naa buaina a tawh hian a ṭhianten theihtawp chhuahin damdawi Inah kalpui nghal a ni a, a nunna chhan turin theihtawp chhuah ni mah se min kalsan ta a ni," an ti.

Belgian club chuan, "He hun harsaah hian Joel leh a chhungte dinhmun min zahsak turin kan ngen che u a, club chuan heti chin bak hi thu chhuak kan nei thei rih lo a ni," tiin media leh mipuite chu Lobanzo-te chhungkua bawh buai rih lo turin an ngen.