Higuain an hnawl leh ta

Argentina manager Jorge Sampaoli chuan tun thla chhunga Russia leh Nigeria nen friendly match an khelh huna inlan tur squad a puang a, Juventus striker Gonzalo Higuain tan hmun a awm loh laiin AS Roma winger Diego Perotti chu koh a ni thung.

World champion vawi hnih ni tawh Argentina hian World Cup qualifier lamah beisei an phak lo a, an match hnuhnung berah Lionel Messi-a hattrick hmanga hnehna changin Russia panna tur ticket an nei hram. Nakkum World Cup tur inbuatsaih nan hian a thlengtu tur Russia leh Nigeria te chu an inkhelhpui dawn a ni.

Argentine manager Sampaoli hian an ram team a enkawl hmasak ber ṭum hian Brazil chu friendly match an khelh pui a, Brazil an hneh ṭum hian Higuain hi minute 45 khelhtir a ni a, hemi hnuah a ko nawn tawh lo. Higuain hian tun hnaiah Juventus tan a match hnuhnung pathumah goal li a khung.

Argentina squad :

Sergio Romero (Manchester United), Nahuel Guzman (Tigres), Agustin Marchesin (Club America); Javier Mascherano (Barcelona), Nicolas Otamendi (Manchester City), Federico Fazio (Roma), Gabriel Mercado (Sevilla), German Pezzella (Fiorentina), Emiliano Insua (Stuttgart); Ever Banega (Sevilla), Eduardo Salvio (Benfica), Marcos Acuna (Sporting CP), Matias Kranevitter, Leandro Paredes, Emiliano Rigoni (all Zenit St Petersburg), Alejandro Gomez (Atalanta), Perotti (Roma); Lionel Messi (Barcelona), Sergio Aguero (Manchester City), Mauro Icardi (Inter), Angel Di Maria (Paris Saint-Germain), Paulo Dybala (Juventus), Dario Benedetto, Cristian Pavon (both Boca Juniors).