Mizo Chess C'ship a hlawhtling

22nd Mizoram Open Chess Championship 2022 chu Mizoram Chess Association (MCA) leh Champhai District Chess Association (CDCA) ṭangkawpin Vanlallawma Indoor Stadium (VANIS), Champhai Kahrawt-ah October 26-28, 2022 chhung khan an buatsaih.

October 28, Zirtawpni khan Champhai District Bawrhsap James Lalrinchhana chuan a kharna hun a hmanpui. Inelnaah hian chess khel thiam Mizoram hmun hrang hrang aṭangin All India Chess Federation (AICF) hnuaia inziaklut player 47 te an tel thei a ni.

Mizoram Open Chess Championship 2022-ah Vanrammawia Ngente, Lunglei chu pakhatna niin Rs 20,000 a dawng a, Francis Lalhmunmawia, Mamit chu pahnihna niin Rs 15,000 a dawng a, pathumna H.Lalrinthanga, Lunglei chuan Rs 10,000 a dawng.