New Zealand an chak nuamsa

T20 Cricket World Cup-ah New Zealand-in team ṭha bik an ni tih lantirin Inrinni khan Sri Lanka chu 65 runs-in an hneh a, Glenn Phillips chuan century (104) a siam. Black Caps hian match thum aṭangin point nga hmuin group 1-ah hmahruaitu an ni.

Black Caps hian over 20-ah 167 an siam a, ball 64 leka 104 runs vaw chhuaktu Glen Phillips a ṭangkai hle. Asian champion Sri Lanka-in 102 runs chauhin an chhanglet thei a, Lions tan semifinal luh a harsa dawn.

Vawiin tlai dar 1:30 hian inelna thlengtu Australia-in Ireland an hmachhawn dawn. Black Caps-in point nga an hmuh laiin Aussies hi an elpui England nen point thum an hmu a, chetsual a thiang lo. Three Lions-in Ireland an hneh tawh lo a, Ireland hi point thum hmu zingah an tel.