Bangladesh leh Pakistan te an chak

T20 Cricket World Cup-ah semifinal beiseina chhi nung turin nimin khan Bangladesh leh Pakistan ten hnehna an chang. Bangladesh hian run thumin Zimbabwe an hneh hram a, Pakistan erawhin Netherlands an sawp thung.

The Gabba-ah Bangladesh tan Najmul Hossain Shanto-a'n 71 runs a siam a, over 20-ah 150/7 runs an siam. Zimbabwe top order-te che chhe mah se middle order Sean Williams-a'n 64 runs a siam zarah chak beiseina an nei a, ball tawp berah four runs siam a ngai.

Amaherawhchu, Zimbabwe bowler Blessing Muzarabani-a'n team a chhanhim zo lo a, Mosaddek Hossain-a ball vawm a vuak fuh loh avangin run thumin an chak lo.

Optus Stadium-ah Paksitan-in Netherlands 91/9 runs chauh an siamtir a, target a hniam avangin over 13.5-ah 95/4 runs siamin hnehna an chang. Shaheens tan Mohammad Rizwan-a'n 49 runs a siam a, Shadab Khan-a'n 22 runs pein wicket thum an la a, hnehna an channa kawngah an pawimawh dun hle.