F1 inelna pathum ṭhulh belh

Formula 1 season calendar siamrem chhunzawm zel a ngai. Season kal laiah US, Mexican leh Brazilian Grand Prix te chu Covid-19 vangin neih theih a ni dawn lo, inelna pathum an ṭhulh rual hian Europe khawmualpuiah erawh tlan theih zel an la beisei.

An ṭhulh tak US Grand Prix hi ruahman lawk dan chuan October 23 hian Austin, Texas-ah neih tur a ni. A hnuah Mexico City leh Brazil ramah neih chhunzawm tura tih a ni, mahse America ramah hripui a darh nasat avangin ṭhulh a ngai ta zawk. Europe-ah erawh hri lengin ziaawm lam a pan zel. Germany rama tlankawng pakhat Nurburgring; Italy rama awm Imola leh a vawi khat nan Portugal rama awm Portimao track-ah F1 inelna hi neih theih an beisei.