India-in Kiwis ngam lo

Inrinni zan T20 se­ries-a an match hnih­naah India-in hnehna an chan chuan series la thei dawn mah se hnehna an chang zo lo a, run 40-in an tlawm. Kiwis an bat hmasa zawk a, an opener pahnih Martin Guptill (45 runs) leh Colin Munro (109 runs, not out) te an chet ṭhat avangin an dinhmun a ṭha tih hai rual a ni lo - over 20-ah run 196 siamin wicket hnih chiah an hloh.

Kiwis opener te an chet ṭhat laiin India tan opener pahnih Rohit Sharma ( 5 runs) leh Shi­khar Dhawan (1 run) te an che chhia a, Virat Kohli (65 runs) leh MS Dho­ni (49 runs)-ten India an chhanhim zo lo - over 20-ah India-in run 156 siam­in wicket sarih an hloh a, hnehna an chang zo ta lo a ni. Ram pahnih hi Thawhlehni zan dar 7:00-ah an inhmachhawn leh dawn a, hnehna chang zawk­­in series an la tawh ang.