Nadal a inhnukdawk

World number 1 Rafael Nadal chu a khup na vangin Paris Masters khelh lai aṭangin a inhnukdawk. Juan Martin del Potro tan pawh ATP World Tour Finals khelh beiseina a tawp ve bawk.

Spain tlangval Na­dal hi quarterfinal-ah Filip Krajinovic nen inhma­chhawn tur an ni a, mahse inkhelh hmain Nadal hian a inlan theih loh tur thu a sawi. Third round-a Pablo Cuevas a hneh ṭumin Nadal hian hliam tenau a nei a ni.

Argentine star Del Potro-a'n London lama inlan theih ngei beisei mah se John Isner lakah 6-4, 6-7 (5-7), 6-4 a chak loin semifinal a lut zo lo a, a thiam pariat te inelna turah a inlan ve thei dawn lo.

Paris-a inelnaah hian nizan khan American Jack Sock leh Krajinovic ten nomawi an inchuh a, he thu buatsaih lai hian result kan hre hman lo.