Saudi Arabia hmaah India zawr
AFC Under 19 Championship Qualifier-ah India an mualpho nghal a, Saudi Arabia lakah 5-0 in an tlawm. Saudi Arabia tan Feras Albrikan chuan hattrick a siam a, Abdullah Alhamaddan leh Al-Shahrani te chuan goal khat ve ve an khung bawk.
India coach Luis Matos-a'n India U19 awm sa aiin FIFA Under 17 World Cup-a a naute a ring zawk a, Under 19 inelnaa kum 17 hnuailam player ringtuin a tisual tih a lang.
Mizo rawlthar Lalawmpuia leh Edmund Lalrindika te pawh inkhel bul ṭan tura beisei ni mah se Matos-a hnuaiah hmun pawimawh an chang phak lo a, minute 63-naah Edmund tlan luhtir ni mah se India-in goal hnih an chhuah tawh avangin an tho thei tawh lo.
India hian zanin dar 6:35-ah Yemen an hmachhawn leh dawn a, inkhel hi Indian Football Team facebook page kaltlangin youtube-ah live-in a en theih ang.
India tana inlan te:
Dheeraj Singh (GK); Ashis Rai, Anwar Ali, Sahil Panwar (C), Roshan Singh (45’ - Sanjeev Stalin); Rahul K.P, Jeakson Singh, Abhishek Haldar, Nongdamba Naorem, Princeton Robello (68’ - Amarjit Singh), Rahim Ali (63’ - Edmund Lalrindika).