Chhinga Vengin Assam Rifles sawp

Assam Rifles leh Chhinga Veng ten Inrinni khan Lammualah friendly match an khel a, Mizoram Premier League hmahruaitu Chhinga Veng hian 8-0 in an sawp.

MFA Super Cup champion lai Chhinga Veng tan Lalrammuanpuia (Apuia) chuan goal hnih khungin Lalkhawpuimawia, Laldingngheta, Laldampuia, Joy Mrong Kharraswai, Malsawmfela leh Hmingthanmawia ten goal khat ṭheuh an khung bawk.

Nikum October thla khan Assam Rifles hian khatih hun laia MPL 5 hmahruaitu Bethlehem Vengthlang FC chu friendly match an khel pui tawh bawk a, Assam Rifles hian 3-2 in hnehna lo chang tawh mah se kuminah erawh a vanduai zawkah an ṭang.