British record siamtu Celtic

Scottish champion Celtic chuan 4-0 in St Johnstone an sawp a, British club zingah tualchhung football-a match 63 chhung tlawm loa kal thei record an siam - kum 1917 khan Celtic vek hian Willie Maley's kaihhruaina hnuaiah record hi an lo siam tawh a, an club-in British record an chelh lai chu Brendan Rodgers hoin an khum ta a ni.

Liverpool boss hlui Rodgers chuan, "Celtic-in British record kan siam thei hi a lawmawm takzet a, ka naute thawhrimna rah liau liau a ni," a ti a, naupan lai aṭanga Celtic fan Rodgers chuan, " Willie Maley-a team kha thlir kir ula, Patsy Gallacher anga player ropuite kha an awm a, chu record chu kan khum a ni. Chu chuan ka player-te quality san zia a sawifiah," tiin a hlim hle.

Celtic hian season hman zawh takah khan tualchhung football-a nomawi chawi theih zawng zawng Scottish Premiership, Scottish Cup leh League Cup nomawi an chawi vek. Record siam tur hian match 63-ah vawi 56 hnehna an chang a, vawi sarih an khingpui an inhnehtawkpui - an win percentage hi 89% a ni.