ADBA Cup champion Serpents

Aizawl District Basketball Association hnuaia inelna hmasa ber ADBA Cup 2017 chu Zirtawpni zan khan a hmawr bawk a ni a, mipa inelna huangah Zarkawt Serpents an champion a; hmeichhe lamah Bungkawn BC an champion thung.

Hawla Indoor Stadium, Republic Vengthlanga inkhelah Mizoram Super League lama kan hmelhriat tawh Zawrkawt Serpents chuan Ramhlun Sporting Club lakah 89-71 a hnehna changin nomawi an chawi. Serpents hian inkhel boruak sang an tawng ṭhang tawh tih a hriat, a tir aṭangin hma an hruai nghal - RSC lam hian na takin um reng mah se Zarkawt club an chesual duh lo.

Hmeichhe inelna lamah Bungkawn BC chuan Saron BC lakah 37-35 a hnehna changin an champion ve bawk. Hmeichhe team pariat tel zingah MBA Season Opening Toutnament champion Saron hi rinkai ni mah se tun inelna bika khel ṭha tluang tak Bungkawn lakah point hnih leka an hniam zawk avangin a zawna nomawi chawi an tumna a tawp rih a ni.