India-in hma a sawn - Lin Dan

Badminton inelna huanga Olympic gold medal vawi hnih dawng tawh Lin Dan chuan tun hnaia Indian badminton hmasawnna a hmuh hmaih lo a, Chinese legend hian an ram tan pawh ngaimawh tham khawp hial a nih thu a sawi.

Lin Dan chuan, "India kan en chuan Saina leh Srikanth te kan hmu nghal a, anni bakah hian player ṭha dang pawh an awm hnem hle. Nasa takin hma an sawn a, tunah chuan khawvelin a thlir ṭhup mai a ni., Chutih rualin China lamah pawh kum naupang zawk ten infiamna an luhchilh nasa a, nakin lawkah chuan tun hma lama kan ropuina ang kha kan nei let leh thei ang," tiin a sawi.

Tunkar tawp khan NSCI centre, Mumbai-ah badminton ngaina tute tan Legends Meet buatsaih a ni a, hetah hian Lin Dan, Lee Chong Wei, Pullela Gopichand leh Peter Gade te an inlan a ni.