Brighton-ah Lallana a khel dawn

Liverpool-a a contract hmang zo Adam Lallana chuan Brighton & Hove Albion-a zawm dawn niin khawthlang media-te chuan an tarlang a, kum thum chhung khel turin contract a ziak. 

Khawthlang media-te tarlan dan chuan kum 32 mi midfielder-in Brighton a zawm thu hi Premier League club hian tun kar chhungin official-in an puang dawn a, he thu ziak i chhiar meuh chuan an puang tawh hial 

mai thei. England tana vawi 34 inlan thei Lallana hi Southampton, Tottenham Hotspur leh Leicester City te pawhin lakluh an duh a, club lian lo ber nia lang a thlang hian mak tih a hlawh hle. 

Liverpool hrechiangtu sports journalist Melissa Reddy chuan Brighton technical director Dan Ashworth chu Lallana lakluh nana tha thawhhlawk niin a sawi a, English midfielder hi club-a hotu chan changa amah mila team 'din' an tiam niin a sawi. Hetihlai hian sports journalist hriat hlawh Tony Banks chuan Lallana hi Brighton hian a career zawh lama coaching role-a chelh zui tur an zawrh tel niin a sawi a, kum thum chhung contract an zawrh chuan a hmin niin a sawi bawk.