Match hmasa berah Jabeur a chak lo

Thawhṭanni zan khan WTA Finals khelh ṭan a ni a, seeded pahnihna Ons Jabeur chu a match hmasa berah a chak lo nghal. Group match a nih avangin semifinal lut tur erawh chuan beisei a la nei.

Tun season Wimbledon leh US Open final khel phak Jabeur hian Aryna Sabalenk chu 3-6, 7-6 (7-5), 7-5 in a hneh lo. Belarusian nula, seeded pasarihna hian set khatna hloh mah se, huaisen takin set hnuhnung pahnih a la.

Player ranking sang zual pariat inelna a ni a, match zawng zawng a hmuhnawm vek. Maria Sakkari chuan Jessica Pegula lakah 7-6 (7-6), 7-6 (7-4) in hnehna a chang a, inkhel inhnehtawk takah a vannei zawk a ni.

WTA Finals khel player ho hi group pahnihah ṭhen hran an ni. Group Tracy Austin-ah Swiatek, Coco Gauff, Carlone Garcia leh Daria Kastkina te an awm. Group Nancy Richey lamah - Ons Jabeur, Jessica Pegula, Maria Sakkari leh Atyna Sabalenka te an awm thung.

Group tina mi player palite hi an inkhel kual chhuak vek dawn a, chumi hnuah a sang pahnih ten semifinal lutin, final khelh chhunzawm leh a ni ang.