World Cup khelh lam ka ngaihtuah rih lo - Rashford

Marcus Rashford chuan England tana World Cup khelh lam ngaihtuah loin Manchester Untied tana a khelh leh tur chauh a ngaihtuah thu a sawi. English forward hian Pathianni khan West Ham lakah chakna goal a khung a, Man United tana a goal 100-na a khung bawk.

FIFA World Cup squad chu November 11 hian puan a ni dawn a, ni kaw hnuah Doha-ah inelna ṭan a ni zui dawn. Rashford chuan, "Minute khat pawh ka ngaihtuah lo. Kan inkhelh leh tur chauh ka thlir. World Cup hmain league match hnih khelh leh tur kan la nei a, chak ve ve kan mamawh. Chumi atan chauh chuan rilru ka pe," tiin a sawi.

Euro 2020 final-ah khan Rashford hian penalty shootout-ah goal a khung lo a, season liam ta khan league-ah goal li chauh khungin kuminah ram tan a la khel lo. Erik Ten Hag hnuaiah Rashford a insiam ṭha a, match 12 lekah season liam taa a goal khung zat goal li khung leh tawhin England tana khel turin an koh ngei a rinawm hle.