Andy Murray a tla fel nghal

Tennis inelna ngaihhlut zinga mi Paris Masters chu Thawhṭanni zan aṭang khan khelh ṭan a ni a, world number 1 hlui Andy Murray chu hneh nei loin a zinkawng a tawp nghal.

Grand Slam vawi thum champion tawh Murray hian, tualchhung player Gilles Simon chu 6-4, 5-7, 3-6 in a hneh lo. Murray hian set hmasa ber a la a, a hnuhnung pahnihah erawh tun tournament khelh lai a zawh huna chawl tur Simon a chungnung.

Simon hi tun dinhmunah world number 188 a ni a, kum 37 mi a ni tawh. Murray nen hian vawi 19 an inhmachhawn tawh a, ṭum thum a chakna a ni, a hun hnuhnunga a chak hi a lawmawm zual bik dawn.

A match lehpekah chuan Simon hian seeded pakuana Taylor Fritz a hmachhawn ang, match a khelh apiang hi a tana hnuhnung ber a ni zel tawh a, a hluin ṭhahnem ngaih a na em em vek ang tih a chiang.

Inkhel dangah Cameron Norrie erawh a chak. Kum 27 mi Norrie hian Miomir Kecmanovic chu 6-2, 6-4 in a hneh. Britain tlangval hian season kal laiah match 49-ah hnehna a chang ta a, a tan chuan kum ṭha bik zinga mi a ni.