Hernandez-a'n training a zawm

Bayern Munich defender Lucas Hernandez chuan Thawhṭanni khan training a zawm pangngai leh ta a, a khelhna club Bavarians leh an ram France tan chanchin ṭha a ni ang.

September thla khan Bayern hian Barcelona 2-0 in an hneh a, he inkhelah hian Hernandez hi a khel bawr a hliam. France coach Didier Deschamps-a'n November 9 hian World Cup khel tur squad a puang dawn, a hming a lan hman beisei a ni.

World Cup hmain Bayern hian Bundesliga lamah Hertha Berlin, Werder Bremen leh Schalke te an la hmachhawn leh dawn a, defender Hernandez tan match fitness neih theihna remchang a ni ang.