AFC C-Licence Course MFA-in thleng leh dawn

All India Football Federation duhsakna dawngin Mizoram chuan kumin chhungin Asian Football Confederation C-Licence Course a thleng leh dawn a, Decem­ber 5-17, 2017 hian Aizawlah neih a ni ang.

AIFF D License nei chin tan he coaching course hi tel ve theih a ni a, November 20 hmain online hmangin dil theih a ni. Dilna hi http://coaching.the-aiff.com ah a hmuh theih a ni.

Online application tih dana harsatna nei tan office hun chhungin MFA Office, City Park-ah mahni ngei kala zawh fiah theih a ni ang.

MFA hian october khan AFC C-Licence Course hi a lo thleng tawh a, AIFF lam­in December-a he course thleng tur hian a thlang nawn leh ta a ni. Tun hmain Mizoram hian AFC C-Licence Course leh B-License Course hi vawi khat ve ve a lo thleng tawh a, tun hnai thla thum chhungin ṭum hnih ngawt AFC course hi a thleng thei dawn a ni.