Murray leh Djokovic an hniam zel
Hliam vanga inlan thei rih lo Andy Murray leh Novak Djokovic te chu ATP ranking thar berah a sang 10 zingah an tel phak tawh lo. Britain leh Serbian star te hi tun season chhung chu hliam vangin an inkhel kan hmu tawh lo ang.
Grand Slam vawi 12 champion tawh Djokovic hi world number 12 a ni a, Britain tlangval Murray hi 16-naah a tla thla thung; player ropui pahnihte te hi an hliam vangin US Open pawh kha an khel thei tawh lo a ni.
Spain tlangval Rafael Nadal chuan point 10,645 hmuin world number 1 ni chungin season a khar dawn tih a chiang tawh a, a hnuai chiaha awm Roger Federer tan umphak theih a ni tawh lo. Tun season atan chuan ATP hnuaia inelna zingah ATP Finals bak khelh tur a awm tawh lo.
ATP Finals khelh tuma thapui thawhtu Juan Martin Del Potro-a'n Paris Masters lamah semifinal a luh phak loh avangin London-ah a inlan thei dawn lo, Argentine tlangval hian point 2595 hmuin ranking-ah 11-na dinhmun a rawn luah, top 20 huanga lang phak lo chunga season bul ṭantu tan kum duhawm tia chiar theih chu a ni tho ang.
ATP Ranking Thar
# Player Ram Points
1 Rafael Nadal ESP 10645
2 Roger Federer SUI 9005
3 Alexander Zverev GER 4410
4 Dominic Thiem AUT 3815
5 Marin Cilic CRO 3805
6 Grigor Dimitrov BUL 3650
7 Stan Wawrinka SUI 3150
8 David Goffin BEL 2975
9 Jack Sock USA 2765
10 Pablo Carreno ESP 2615
11 Juan Martin Del Potro ARG 2595
12 Novak Djokovic SRB 2585
13 Sam Querrey USA 2535
14 Kevin Anderson RSA 2480
15 Jo-Wilfried Tsonga FRA 2320
16 Andy Murray GBR 2290