City kan hneh thei - Thibaut Courtois

Premier League champion Chelsea goal­keeper Thibaut Courtois chuan hmahruaitu Man­chester City tlan pelin an league nomawi an humhim theih a beisei thu a sawi chhuak.

Season hmasa khan City hian match hmasa paruk an khelh lekah Chelsea aiin point riat laiin an sang fal thei a, mahse Antonio Conte naute hian a zawna match 13 zet hnehna changin an champion daih. Tun season-ah pawh club pahnihte hi inel tawk viau tura ngaih an ni, tun dinhmunah Blues aia City san zawkna chu point riat bawk a ni.

Blues keeper Courtois chuan, "Season hmasa khan rinkai kan nih loh hnuah kan champion thei a, kuminah pawh kan tih leh theih ka beisei. Beisei kan nei tur a ni a, inelna a tawp hma chuan kan beidawng tur a ni lo," tiin a sawi.

Italian manager Conte naute hian kartawp khan an elpui Manchester United chu si khat faiin an hneh a, November 18 hian West Brom an zin chilh ang.