Neymar leh Alves ten Brazil squad an zawm

Paris Saint-Germain hmatawng Neymar leh defender Dani Alves chuan Brazil training an zawm. Tite naute hian Zirtawpni tlai dar 5:30-ah Japan chu friendly match an khelh pui ang.

Khawvela player manto ber Neymar hian a malpuiah hliam tenau a neih avangin kartawp khan PSG tan league match a khel lo a, Alves erawhin harsatna a nei lo thung.

Barcelona forward Neymar hian nikum khan an ram chu Olympic gold medal a la lakpui a, nakkuma khelh tur FIFA World Cup-a inlan tur hian South America aṭanga inlan tura inel ram 10 zinga tling hmasa ber an ni bawk.

Brazil hian Paris-ah training an nei mek a, Asia ram hmachhawn tur hian Barcelona player thar Paulinho, Chelsea winger Willian leh Manchester City striker Gabriel Jesus te pawh koh an ni.