India team-in camp nei ṭan

November 14-a AFC Asian Cup Qualifier-a Myanmar nena inhmachhawn tur India squad chuan nimin khan Mumbai khawpuiah camp an nei ṭan a, November 11 thleng Mumbai-ah hian hun an hmang ang.

Asian Cup khel tura tling chiang tawh India coach Stephen Constantine-a'n player 28 a ko chhin phawt a, a player koh zingah hian Rowllin Borges leh Nikhil Poojary te chuan hliam an tawrh avangin training camp hi an zawm ve thei lo.

Constantine chuan, "Asian Cup khel turin kan tling chiang tawh a, hei vang ringawt hian inthlahdah takin kan khel dawn tihna a ni lo. Theihtawp chhuahin hna kan thawh chhunzawm zel ang a, ṭha taka khelh kan tum dawn a ni," a ti.

India squad-ah hian Mizo pathum an tel a, Mizo zinga Indian senior team-a tawnhriat ngah ber Jeje Lalpekhlua bakah MPL lama tawnhriat nei defender pahnih Lalruatthara leh Jerry Lalrinzuala te chu koh tel an ni.

India Squad

GOALKEEPERS: Subrata Paul, Gurpreet Singh Sandhu, Amrinder Singh, Vishal Kaith.

DEFENDERS: Pritam Kotal, Lalruathatthara, Anas Edathodika, Sandesh Jhingan, Salam Ranjan Singh, Sarthak Golui, Jerry Lalrinzuala, Narayan Das.

MIDFIELDERS: Jackichand Singh, Udanta Singh, Pronay Halder, Anirudh Thapa, Germanpreet Singh, Eugeneson Lyngdoh, Md. Rafique, Bikash Jairy, Halicharan Narzary.

FORWARDS: Sunil Chhetri, Jeje Lalpekhlua, Allen Deory, Hitesh Sharma, Balwant Singh.