Zlatan-a'n lawmman a sem

Sweden football kalphungah chuan an football federation hotuin lawm-man sem ṭhin a, Pathianni zana Allsvenskan champion Malmo FF nomawi hlantu erawh Zlatan Ibrahimovic a ni.

Kum 36 mi Zlatan hian kum 1999 - 2001 chhung khan Malmo tan khelin match 47-ah goal 18 a khung a, hemi hnu hian Ajax, Juventus, Inter Milan, Barcelona, AC Milan leh Paris Saint-Germain tan khelin league nomawi a chawi zel a, tuna a khelhna Manchester United-ah chiah league nomawi a la chawi lo.

Sulhnu ropui tak a neih avangin Ibrahimovic hi an ramah chuan legend a ni a, Malmo an champion ṭuma Swedish football federation chief Karl-Erik Nilsson aia lawmman a sem pawh hi mak lo.

Champion team captain Markus Rosenberg chuan, "Anni hnen aṭanga nomawi dawn chu a hlu a ni. Club leh ram tan anni chu mi bik a ni," tiin Zlatan a dah san thu a sawi lang.