Djokovic tan hna a harsa lo

Paris Masters khelh laiah, champion lai Novak Djokovic chuan a match hmasa berah hna harsa a tawk lo. Serbian star hian Thawhlehni zan khan a khingpui Maxime Cressy chu 7-6 (7-1), 6-4 in a hneh.

World number 1 hlui Djokovic tan Paris Masters hi hmun ṭha a ni, inelna a khelh hnuhnung pahnihah a champion a, a zawnin match 17 a chakna a ni nghal, a match lehpekah chuan Marc-Andrea Huesler hnehtu Russian mi Karen Khachnov a hmachhawn leh ang.

Kum 35 mi Djokovic chuan, "Service nei ṭha tak player hmachhawn hi chu a awlsam ngai lo, service nei ṭha tak hmachhawn chunga hnehna chan theih hi chu a lawmawm," a ti a, a khingpui hi break point a pe miah lo.

Inkhel dangah Dan Evans chuan Brandon Nakashima lakah 6-3, 3-6, 6-4 in hnehna an chang. Jack Draper pawhin tualchhung tlangval Arthur Rinderknech lakah 6-3, 6-4 in hnehna a chang ve bawk.