Set hloh loin Swiatek a chak

Hmeichhe tennis thiam zual pariat inelna - WTA Finals khelh laiah Iga Swiatek chuan a match hmasa berah hnehna a chang. Thawhlehni zan khan Swiatek hian Daria Kasatkina chu 6-2, 6-3 in a hneh.

Polish nula hian season a hmang ṭha hle, match 46 zetah set hloh loa chakna a nei. Match khelh hmabak a la neih nual avangin a record hi a la sawh nghet thei ang, mahse hna awlsam erawh a ni dawn lo.

Serena Williams chuan kum 2013 khan match 66 zetah set hloh loa chak a nei a, Agnieszka Radwanska pawhin match 46 chak a nei tawh bawk. Swiatek hian Radwanska khum turin match khat a la mamawh.

Kum 21 mi Swiatek chuan, "A bul ka ṭan fuh a, a hnu lam kha chu a awlsam phah niah ka ngai," tiin a sawi a, season hmasa khan WTA Finals-ah hlawhtling lo mah se, kuminah chuan hlawhtlin a beisei thu a sawi bawk.