Real tana hun tawp hmang tur Kroos

Real Madrid mid-fielder Toni Kroos chuan Spanish club-ah a football zinkawng tawp hman a tum thu a sawi a, inkhelh a chawlhsan hun tur tak erawh a la sawi chiang thei lo thung.

Nakkum January thlaa kum 33 tling tur Kroos chuan, "Mi tam takin tun season tawp ruala inkhelh chawlhsan tur angin min sawi, hei hi chu ka la ngaihtuah loh lam tak a ni a, muangchangin ka chawlh hun tur chu ka ngaihtuah dawn.

"Thil chiang tak sawi theih erawh ka nei, chu chu club dang ka zawm dawn lo. He hmunah hian ka hlim a, ka football hun tawp pawh ka hmang ang," tiin a sawi.

Kroos hian Germany tana inkhelh pawh a chawlhsan tawh a, a kum a tam tak tak hmain club tana inkhelh a chawlhsan a nih pawhin a mak lo ang. Spanish club tan hian June 2023 thleng daih contract a nei.