Coach bantu Nets an chak lo

Season hmang ṭha lo Brooklyn Nets-in an coach Steve Nash an ban a, an ban hnua an match hmasaah beisei an phak chuang lo. Nimin zing NBA regular season inkhelah Chicago Bulls lakah 108-99 in an chak lo.

Nets hian tun season-ah match riat an khel tawh a, vawi ruk ngawt an tlawm. Nets tan point 32 neitu Kevin Durant leh Royce O'Meale (20) te an khel ṭha pangngai a, mahse thlawptu an neih ṭhat tawk loh an tuar.

Bulls player zinga mi pangain point 10 an nei tling a, thawhhona ṭha hmangin an chak - match li an chakna chiah a ni nghal a, an chak loh zat nen a inang; Eastern Conference table-ah pariatna an ni mek.

Nets hi harh an ngai, player ṭha nei mah se an game a hmuhnawm tawk lo. Kum 48 mi Nash hian 2020 aṭangin Nets a enkawl a, a kum zawnin playoff a khelhpui, kuminah erawh an duh leh beisei ang result an nei thei ta lo a ni.