Khawzawlah MVA Cup khel dawn

Mizoram Volleyball Association (MVA) buatsaihin GIG Motors MVA CUP 2022 chu Khawzawl Dinthar Volleyball Court, Khawzawlah November 7-12 chhung hian khelh a ni dawn a, tualchhung mipa leh hmeichhe volleyball team ṭha an inel ang.

Pro division club inelna tur niin, mipa lamah - Hunthar, Tuichangral, Durtlang North, Tuipuiral, TNT leh Chhinga Veng Spikers an tel dawn. Hmeichhe inelna lamah

Kanan, Luangmual, Bethlehem Vengthlang, Durtlang, P&E leh Armed Veng South te an tel thung dawn a ni.

Mipa leh hmeichhe team hi paruk ve ve an ni a, group pahnihah ṭhen hran niin, group pakhata awm khawmte an inkhelh kual vek hnuah a sang pahnihten semifinal an lut ang a, final khelh chhunzawm a ni ang.

Ruahman dan chuan GIG Motors MVA CUP 2022 hi LPS-ah live hmanga tihchhuah vek tur a ni dawn a, club te kalna senso hi tualchhung volleyball thuneitu sang MVA chuan a tumsak vek dawn a ni.