Netherlands an chak

T20 World Cup Super 12-ah semifinal khelh beiseina nei tawh lo Netherlands chuan nimin khan Zimbabwe wicket ngain an hneh. Adelaide Oval-a inkhelah Zimbabwe-in vuak hmasak an thlang a, over 19.2-ah 117 runs siamin an thi fai vek. Netherlands-in over 18-naah 120/5 runs siamin target hi an umpha a ni.

Netherlands tan bowler Paul van Meekeren (29/3), Bas de Leede (14/2) leh Logan van Beek (17/2) te an che ṭha a, Zimbabwe batter zingah run 20 siam tling chu Sinkandar Raza (40) leh Sean Williams (28) te chauh an awm.

Batting lamah opener Max O'Dowd-a'n half century (52) a siam a, Tom Cooper (32) leh Bas de Leede (12*) te zarah Netherlands hian hnehna hlu tak a chang. Test cricket khel pha lo Netherlands tan chuan Super 12-a chak hrim hrim hi a hlu a ni.