Mizoram Lockdown (inkharkhip)

Spanish midfielder Xabi Alonso-a'n a career chhung zawng khan European football inelnaah match 128-a khel a, goal ruk a khung. Real Sociedad aṭanga a career ṭantu midfielder hian 2003-04 season khan a vawi khat nan Champions League a khel a, Sociedad tana inlanin round of 16 an inpetkai. Kum 2004-ah Liverpool lamah a pem a, Champions League-a season hnih hun a hmannaah champion nomawi a chawi nghal a, Liverpool a champion pui. Anfield-ah hian FA Cup (1), FA Community Shield leh UEFA Super Cup (1) nomawi a chawi bawk. 

Kum 2009 khan Real Madrid panin Reds a chhuahsan a, Madrid tan hian La Liga (1), Copa del Rey (2), Spanish Super Cup (1) leh Champions League (1)-ah a champion zui. Real hi kum 2014-ah chhuahsanin Bayern Munich tan a khel a, season thum chhungin Bundesliga (3), DFB-Pokal (1) leh DFL Super Cup (1)-ah te nomawi a chawi - kum 2017-ah inkhelh a chawlhsan. Spain tan vawi 114 inlanin goal 16-a khung a, World Cup 2010 leh Euro 2008 & 2012-ah champion nomawi a chawi bawk.