NBA All-Star Game khel tur a chiang

Season tina an neih ṭhin, basketball ngainatuten an en chak NBA All-Star Game chu February 16 hian United Center, Chicago-ah khelh a ni leh dawn a, player inlan tur hming chu tih chian a ni tawh.

NBA Most Valuable Player ni lai Giannis Antetokounmpo leh Los Angeles Lakers thiampuipa LeBron James te hmingin team hi din a ni a, tun hnai leh season hmasa lama player ṭha leh hmuhnawm bikte an inlan leh ang.

LeBron-a khelhpui tur zingah Anthony Davis leh Kawhi Leonard te an langsar a, Antetokounmpo awmna lamah Joel Embiid, Toronto Raptors star Siakam, Boston Celtics guard Kemba Walker te an awm ve thung.

Season hmasa khan Team LeBron hian Team Giannis hi 178-164 in an lo hneh tawh, kuminah pawh rinkai zawk an ni leh ang.