England tana khel tur Jack Cork

Burnley midfielder Jack Cork chu England-in Germany leh Brazil nena friendly match an khelh turah koh a ni a, ram tana inlan tura vawi khat koh a nihna a ni. Gareth Southgate-a'n squad a puan aṭangin Thawhlehni khan Tottenham trio Harry Kane, Dele Alli leh Harry Winks te an inhnukdawk vek a, a hnuah Raheem Sterling, Fabian Delph leh Jordan Henderson an inhnukdawk leh bawk.

Hliam vanga player in­hnuk­dawk an tam avang hian England boss Southgate-a'n Cork hma hian West Brom midfielder Jake Livermore leh Everton defender Michael Keane-te chu squad-ah a lo koh belh tawh bawk. Burnley tana Premier League minute zawng zawng la khel kim vek Cork chuan, "Ka hlim takzet a ni. England squad-a tel phak hi thil harsa tak a ni a, Burnley-a kan player zinga panga vel chu koh theih dinhmunah an ding. Chu chuan ka vanneihzia min hriattir a ni," tiin a hlim hle.

Kum 28 mi Cork hian age level-ah chuan Eng­land tan a khel kim vek a, Under 16 aṭanga Under 21 thleng a inlan. 2012 Lon­don Olympics-ah khan Southampton tana a khelh laiin Great Britain tan a inlan bawk. Hetihlai hian dinhmun chiang lo Chelsea defender Gary Cahill chu club medical team lamin a dinhmun a ṭha tih an puan avangin England squad a zawm.

England squad
Goalkeepers: Jack Butland (Stoke City), Joe Hart (West Ham - loan from Manchester City), Jordan Pickford (Everton).
Defenders: Ryan Bertrand (Southampton), Gary Cahill (Chelsea), Joe Gomez (Liverpool), Phil Jones (Manchester United), Michael Keane (Everton), Harry Maguire (Leicester), Danny Rose (Tottenham), John Stones (Manchester City), Kieran Trippier (Tottenham), Kyle Walker (Manchester City).
Midfielders: Eric Dier (Tottenham), Jesse Lingard (Manchester United), Jake Livermore (West Brom), Ruben Loftus-Cheek (Crystal Palace - loan from Chelsea), Ashley Young (Manchester United), Jack Cork (Burnley).
Forwards: Tammy Abraham (Swansea - loan from Chelsea), Marcus Rashford (Manchester United), Jamie Vardy (Leicester).