Mahuma Memorial Cricket a hnai

Cricket Associaton of Mizoram buatsaih Mahuma Memorial Cricket Tournament 2017 chu November 11, Inrinni aṭang hian khelh ṭan a ni dawn ta. Suaka Memorial Cricket Ground, Sihhmuiah Kulikawn CC leh Chhinga Veng CC ten match hmasa ber an khel ang.

Inelna kalphung

Team inlan tur squad-ah hian player 16, manager leh coach an awm ang. Toss hmain team list (hming leh jersey number) match refree hnenah thehluh tur a ni. Team list an ziah chhuahte chu CAM player affilation-a ziah luh ang thlap (hming pum) a ziah ṭhin tur a ni. Player 11 tling lo team-in match an khel thei dawn lo.

Tun ṭum inelnaah hian match zawng zawng hi over 40 a khelh tur a ni a; over 1 hi minute 4 zel hisapa vawm zawh tur a ni. 1st inning fielding side lamin hun tiam chhunga an over an vawm zawh hman loh chuan an batting hunah an over cut sak tur a ni a, hun tiam an pelhna minute 4 zelah over khat cut tur a ni.

A vawm hnuhnung zawk an nih chuan hun tiam ral chiaha ball la bang zat chu an target humhim tur aṭangin paih tur a ni. Dan theih loh harsatna (ball bo, weather condition, etc) a awm thei a, chutiang huna over vawm zawh hman loh hremna chungchangah chuan match referee-in thutawp a siam ang.

Hnehna changtu team-in point hnih an hmu ang a. Harsatna (Ruah sur, etc.) avanga match khelh zawh theih loha awm chuan team 2 ten point 1 ve ve an hmu ang. Walkover ngai team an awm chuan an point hmuh tawh aṭangin point 2 paihsak an ni ang a, a chak zawk team-in point 2 an hmu ang.

Round 1 Fixtures
November 11, Inrinni
  09:30 AM Kulikawn CC vs Chhinga Veng CC
13 November, Thawhṭanni
  09:30 AM Tlangnuam CC vs Gorkha CC
14 November, Thawhlehni
  09:30 AM Chanmarians CC vs Lords CC
15 November, Nilaini
  09:30 AM Ramhlun Venglai CC vs Zemabawk Pitchers CC