Semifinal beisei team pali India, South Africa, Pakistan leh Bangladesh

T20 World Cup Super 12 chu November 6, Pathianni hian khelh zawh a ni dawn. Group 2 aṭangin semifinal lut tawh an la awm lo a; Pathianni hian India, South Africa, Pakistan leh Bangladesh te bukin an awm dawn.

Pathianni zing dar 5:30-ah South Africa-in Netherlands an hmachhawn dawn a, Proteas hian hnehna an chan chuan semifinal an lut ang. Pakistan laka chesual South Africa tan chetsual nawn a thiang tawh lo.

Chawhma dar 9:30-ah Bangladesh leh Pakistan te an inkhel dawn. South Africa an chak lo a nih chuan, Shaheens tan semifinal lut turin chak a tawk. Proteas hi lo chak ta pawh ni se, Pakistan hi an chak hrim hrim chuan NRR hmangin pahnihnaah an awm rih ang. Amaherawhchu Babar Azam-a hote tan semifinal lut turin India an chak loh a ngai dawn.

Bangladesh tan pawh semifinal luh theihna kawng a la inhawng a, mahse Pakistan ang thoin Tigers tan semifinal lut tur chuan South Africa emaw India emaw an chak loh a ngai.

India-in chawhnu dar 1:30-ah inkhel dang result hre sa vekin Zimbabwe an hmachhawn ang. Men in Blue tan semifinal luh hi a har tawh lo tura ngaih a ni a, amaherawhchu captain Rohit Sharma, KL Rahul leh Dinesh Karthik te tan chuan semifinal atana intah hriamna remchang a ni thei ang.