New Zealand-in semifinal an lut

T20 Cricket World Cup-ah New Zealand chuan nimin khan Ireland chu 35 runs-in an hneh a, semifinal lut hmasa ber an ni. Black Caps hian 185/6 runs an siam a, Ireland hian 150/9 runs chauhin an chhanglet.

Inkhel dangah Australia-in Afghanistan 4 runs-in hneh a, amaherawhchu chiang taka an chak theih loh avangin Aussies hian knockout stage lut turin Sri Lanka puihna an mamawh.

Australia hian bat hmasain 168/8 runs an siam a, Afghanistan-in 164/7 runs an siam thung. Aussies hian New Zealand nen point sarih hmu a, NRR-ah Black Caps hi an ṭhat zawk avangin semifinal an lut.

Inelna thlengtu leh champion lai Aussies hi pahnihnaah an awm mek a, vawiin tlai dar 1:30-a England leh Sri Lanka inkhel result-in an dinhmun a hril ang.

England hian hnehna an chan hrim hrim chuan Aussies chungah an awm dawn. Chutihrualin Sri Lanka-in England an hneh chuan Australia-in semifinal an lut dawn a, khawtual mipuiin Asian champion an ṭan ang.