CAM-in hruaitu thar an thlang

Cricket Association of Mizoram (CAM) chuan 2022-25 season chhhunga an hruaitu tur an thlang thar a, hruaitu tharte hian tun thla chawhnu lam aṭangin an hna an thawk ṭan ang.

CAM hruaitu thlanna hi Music Home, Zohnuaiah neih a ni a, full member 18-ten an thlang. Full member ni tur hian kum nga chhung CAM hnuaia tournament khel vek club nih a ngai a, hmalakna dangah pawh an inlan a ngai - chung mite chuan full member hi an dil thei a ni.

President Lalrochuanga Pachuau, honorary secretary Mamon Majumdar leh councillor te chu chuhtu nei loa tling nghal an ni a, post dang pathum vice president, jt secretary leh treasurer te chu thlan an ni thung.

CAM honorary secretary Mamon Majumdar chuan, "OB kan la ṭhukhawm lo a, kan hmalak dan tur sawi nghal theih a la ni lo. Ruahman saah chuan Aizawl khawpui chhunga cricket khelmual pakhat siam a ni dawn.

"Stadium bakah hian, ruah sur laia training theihna tur hmun thumah siam a ni bawk ang. Sihhmui lama hmalakna pawh chak zawka bawhzuiin, kan khelmual ṭha ber hi tihchangtlun a ni ang," tiin Vanglaini a hrilh.

CAM OB (2022-2025)
President Lalrochuanga Pachuau Zarkawt
Vice President Dr. Joel Lalnghakliana Pautu Chhinga Veng
Hony Secretary Mamon Majumdar Kulikawn
Jt Secratary Lalfakawma Varte Bawngkawn
Treasurer Lalroṭhuama Durtlang
Councillor Lalrosanga Bawngkawn South